سفر
سفر
سفر
وانتي المسافه والتعـب
وانتي القدر
وانتي اللي بتكوني ف سواد
قمر
يام العيون المليانين غربه وسفر
فاكر أنا آخر وداع
الغيم دموعك ياحبيبتي
وكنت انا المليان ... وجع
لحظة ضياع
بردان....وخايف
كنت شايف..جوّا منك
شئ حزين
وف عنيكي.. رغم صمتك
كنت سامع صوت أنيــن
ياهلترى .. ياحنين
مسافر ... أد إيه ؟
ولفـين عنيه راميين ..وجع ؟
ياعيون حبيبتي الطيبه
ياقريّبه....ياقرّيبه
رغم البعاد
يابلاد.....
تلمّلم في الميعاد حلم المطر
نهر القمررايح لفين؟
لوتعرفي ؟
يامُّ العيون المليانين
بسنين ..عطش
وسنين.. فراق
يام العيون الأنبياء
إلـشوق.....سفر
والمـوت.....سفر
يام العيون المحرومين/ المهزومين
بسنين .. غياب
لوتعرفي بعد السفر
بعد القـدر
بعد الحساب
هنكون وصلنا لأي باب ؟؟؟
هناك 4 تعليقات:
في السفر الم وجراح
بيزود جوايا الحنين
وقلبي تعب من كتر الانين
واشتاق اوي لدنيا الافراح
عصفور الشعر
وكلمات اكثر من رائعة
عشت معهااروع لحظات من المتعة والجمال لصدقها وتأثيرها علي القلب
دمت دائما مغردااا
انا القصيدة دى وجعانى قوى وآلمانى جدا لأنها جزء منى ، بدون توضيح هى قطعة منى ، كل حرف كتبته حسيت انه انا اللى كتباه يمكن مكنتش ابدعت زيك ونقلت الاحساس الفظيع اللى جوايا بالحرفنة دى لكن هقولك حاجة انا لامسة فيك كل حرف برغم تمنيك انك تغير واقع ملموس بتشوفه كل يوم - رائع كما تعودت أن افرأ لك - محبتى واحترامى
كلام رائع ملىء بالاحساس سلمت اناملك الذهبية
best one everrrrr
إرسال تعليق