الجمعة، سبتمبر 21، 2007

جواب تاني

جداريه من أعمال حسام عتلم-ألمانيا
------------
إلى الشاعر أشرف الشلقاني
واقولّك ايه وانا حاسّك..ياشلقاني
دنا زيّك
بقلب ضعيـــف وبيعاني
حاجات ياما ..ودوامه
تخلي وشوشنا مش هيه
قلوبنا الماس..بتتخربش
وتتشوش
وتبقى حديده مرميّه
مصديّه
تشوتها الناس
أو..تنداس
بلا رحمه..بلا ديّه
ولا يبكي علينا حد
لونصرخ..يقيموا الحد
ولو نسكت
منبقاش ناس

هناك تعليقان (2):

غير معرف يقول...

اهو النص دة بقى اللى آلمنى جدا ووجع قلبى لأنى حاسة انك بتتكلم عن شئ جوايا ومعرفتش اجسده ، كثير اوى تبقى حاسس بإحساس مميت ومش عارف تعبر ولما تقرا حاجة تعرف انه قال اللى ف نفسك واللى انت شخصيا مش عارف تبوح بيه ع الورق ، ايه يا استاذنا كنت مخنوق ليه سلامتك م الخنق

غير معرف يقول...

تنداس بلا رحمه بلا ديه
دا انا