الجمعة، سبتمبر 21، 2007

يارب

مسجد محمد علي-القلعه-مصر
إلى الشاعر محمد فارس
_______

وحاسس تقل آهاتك من الأول
وبسمعها
واطاوعها
واهنن فيها لتطوّل
وتتحول
جدار... ملعون
وليك عندي أمانه وحلم ووصية
أمانه ياصاحبي ماتفارق
مدام عاشق
وخللي الحلم للآخر
يونس ليلك المهجور
ويسند ضهرك العاري
على حبة رضا
فاضلين
وقول يارب

كل الأماكن ديّقين
سدرك
خيالك
إحتمالك
والورق
كل القصايد كدابين
ضي القمر
ومسا المسافر
غربة الأشياء
فراق العاشقين
ياكدابين......
يامفرقينّي مابين
وبين
العدل فين ؟؟
مهموم قوي
خايف قوي
وانت القوي
سلمّت قلبي العاصي ليك
و الأمر لك
ياسيدالغفران
تعِبت .

هناك 6 تعليقات:

semsema يقول...

وانا كمان تعبت
وكل ما اتعب اكتر
اقرأ كلامك
ده فارتاح يمكن مش اوي
بس التعب بيخف شوية
واقول يا رب انا تعبان
ومحتاجلك اوي يا رب

عتلم حسيتك اوي قريب هنا
حسيت بكلامك بجد اوي
وانا زيك محتاجة دائما اقول يا رب

غير معرف يقول...

اللون دة ف كتابتك جديد ... يمكن جديد عليا لأنى كل اللى قريته كان غير كدة ، بس تصدق انت صادق اوى يا صاحبى .... حسيت انك بتقولها من جوة جواك ، لحظة نقاء واختلاء ، كانت بينك وبين نفسك والشاهد هو ربنا ، وانا بقولهالك من هنا ، انت هايل ....... هايل يا عمنا

غير معرف يقول...

الغفران

وياسيد الغفران تعبت

كلنا هذا الرجل

التعب الحزين يناجي الملك

يناجي ربه

ويتمني من داخله الغفران

غير معرف يقول...

انا بقول يارب انت رب القلوب بتقلبها كما تشاء
بحب عصفورى(حطيت ياء الملكيه)وهو مش ليه
يارب الغفران

غير معرف يقول...

انا تعبت من الدنيا أوى وزهقت ومش لاقيه حل غير اقول يارب

Unknown يقول...

وأنا مثلك تعبت وأقول يارب