عماد حمدي كل شئ في الدنيا متلون
بلون الاشتياق
...القمر
...والليل
وآلام الفراق
واللي بيحاصرني دايما
!! هوا إنتي
جوا أنفاسي
واحساسي ..وكلامي
وحتى أحلامي بتبقى
برضه.....انتي
فهميني ياحبيبتي
لو خلت كل الليالي من وجودك
والقمر خاصم سماه
لو خطاوي العمر ضلت عن عيونك
والحنين..جوايا تاه
يبقى إيه في الدنيا صادق..؟
يبقى إيه طعم الحياه؟؟
إفهميني ياحبيبتي
ياعذابي
واغترابي
وانسحابي
...من هموم الناس
لهّمك
محتاج اقولك..واسمعك
محتاج أضمك
...ياللي منك
بسمه واحده بتمحي آلام البشر
وبتمنحي كل الوجودالمغفره
المعذره
المعذره
لو كنت مش قادرأخاصمك
غصب عني...قلبي سامحك
نفسي أتوضا بملامحك
طهريني
طهريني
طهريني من ظنوني
و من جنوني
ومن ذنوب كل البشر
تلقي حزن القلب يركع
بين إيديكي ومن عنيكي
يتولد
تاني القمر
هناك تعليقان (2):
هى جميله قوى بس افهم هومن شدة جمال الحبيبه هتخليك تتوب
ههههههههههه بعض البنات من جمالها تهبل تخبل تربش العقل تجنن لايراء سواها تعتمي العين وتعمي القلب لايراء فتاه غيرها
إرسال تعليق